बसन्त विश्वकर्मा युवटुव च्यानलले सार्वजनिक गरेको गीतमा चर्चित लोक दोहोरी शान्तीश्री परियार र गायक बसन्त विश्वकर्माको स्वर रहेको छ।
गीतको शब्द तथा संगीत गायक बसन्तकै रहेको छ भने कोरस भोकलमा राज अर्याल, सनम पुन मगर गायत्री रानामगरको रहेको छ ।
गीतको म्युजिक भिडियोमा बसन्तसहित सनिसा भट्टराई, हिमांशु थापा लगायतको अभिनय रहेको छ ।
निर्देशक मौसम हिमालीको निर्देशन तथा कोरियोग्राफी रहेको गीतमा म्युजिक भिडियोमा नवराज उप्रेतीको छायांकन, नविन घर्तीमगरको सम्पादन रहेको छ ।
पुरानो मौलिकता लोप हुँदै गएको पछिल्लो अवस्थामा मौलिक भाकालाई टपक्कै टिपेर बजारमा ल्याएको गीतमा माया प्रेमको भाव झल्किएको छ । देश परिवर्तन र समानताका लागि हरेक परिस्थितिलाई सामना गर्दा धेरैले देखेका,भोगेका,सुनेका र पढेका कुरालाई विषयबस्तुमा समेटिएको छ ।
बसन्त बिश्वकर्मा तनहुँको ऋषिङ्ग गाउँपालिकामा जन्मेका उनी एक कुसल रेडियो कार्यक्रम प्रस्तोता पनि हुन् ।
