भिमाद सञ्चार
२०८१ भाद्र ८, अमृत परियार
मौलिक कला संस्कृति मार्फत प्रतिभा ज्ञान र समाजको वास्तविकता उजागर गर्ने उद्देश्य सहित भिमाद एफएम १००.९ मेगाहर्जले हरितालिका तीजको अवसरमा सेन्ट्रल कलेज खुल्ला तीज गीत प्रतियोगिता आयोजना गर्ने भएको छ ।
पछिल्लो समय नेपाली नारीहरुको महान चाड हरितालिका तीजमा पश्चिमेली संस्कृति भित्रिएको साथै भड्किलो शैलीको विकास भएकाले संस्कृतिको संरक्षण र सम्बर्द्धन गर्ने उद्देश्य सहित प्रतियोगिताको आयोजना गरिएको भिमाद एफ.एमका अध्यक्ष मिलन आलेले बताएका छन् । भाद्र २१ गते हरितालिका तीजको दिन भिमाद रङ्गशालामा खुल्ला तीज गीत प्रतियोगिताको आयोजना गरेको एफ.एमकी कोषाध्यक्ष एबम् कार्यक्रम संयोजक सुजन रानाले बताएकी छन् ।
प्रतियोगितामा प्रथम, द्वितीय, तृतिय र सान्त्वना हुने समुहले क्रमश ३० हजार १००.९ , २० हजार १००.९ , १० हजार १००.९ र ५ हजार १००.९ साथमा प्रमाणपत्र प्राप्त गर्ने छन् ।
प्रतियोगिताको मुख्य प्रायोजकको सेन्ट्रल कलेज अफ भोकेशनल ट्रेनिङ प्रा. लि रहेको एफएम स्टेशन म्यानेजर अमृत परियारले बताएका छन् । साथै कार्यक्रममा लोक दोहोरी गायिका मञ्जु विकको विशेष प्रस्तुती रहने साथै , राष्ट्रिय महिला भलिबल खेलाडी उषा भण्डारी, मोडर्न पेन्टाथोलनकी राष्ट्रिय खेलाडी विनिता नेपालीलाई सम्मान कार्यक्रम रहेको उनले बताएका छन् । खुल्ला तीज गीत प्रतियोगिता भएकाले देशको जुनसुकै ठाउँबाट सहभागी हुन पाउने उनले बताए ।
