भिमाद सञ्चार
तनहुँ २०८ असार १७
तनहूँको घिरिङ गाउँपालिकाले दलित समुदायको उत्थान गर्न एवं परम्परागत पेशा र तथा कला र संस्कृतिको संरक्षणकोलागि नौमती बाजा तथा आरान सामाग्री हस्तान्तरण गरेको छ ।
गाउँपालिका कार्यालय परिसरमा आइतबार एक कार्यक्रम आयोजना गरि घिरिङ गाउँपालिकाका तीन समूहलाई नौमती बाजा तथा दस जनालाई आरानको सामाग्री बितरण गरिएको हो ।
सो अवसरमा गाउँपालिकाका अध्यक्ष होमबहादुर थापाले पराम्परागत पेशा तथा कला र संस्कृतीको संरक्षणको लागि ति सामाग्री वितरण गरिएको बताए ।
दलित उत्थान समन्वय समितिका अध्यक्ष मिलन गैह्रेको अध्यक्षतामा भएको सो कार्यक्रममा गाउँपालिका उपाध्यक्ष राधादेवी अधिकारी तथा प्रमुख प्रशासकीय अधिकृत बिष्णुप्रसाद पोखरेल लगायतको उपस्थिति रहेको थियो ।
