भिमाद सञ्चार
तनहुँ २०८० फाल्गुन ३
भिमाद । भिमादमा बक्तृत्वकला प्रतियोगिता सम्पन्न भएको छ ।
जनज्योति क्याम्पस, अतिरिक्त क्रियाकलाप समितिको आयोजनामा आइतबार (माघ२८ गते) प्रतियोगितामा जनज्योति मा बि का छात्र आदित थापा प्रथम भएका छन् । क्षमता अभिवृद्धिका लागि बिज्ञान र प्राविधिमा विद्यार्थीको पहुँच विषयक बक्तृत्वकला प्रतियोगितामा आदित थापा प्रथम, बुचाखानी मा बि कि छात्रा मनु थापा द्धितिय र भिम मेमोरियल आवासीय मा बि कि छात्रा रितु बि क तृतिय भएकि छन् ।
प्रतियोगितामा १३ विद्यार्थीहरु सहभागी भएका थिए । प्रथम हुनेलाई नगद ४ हजार रुपैँयाको साथमा प्रमाणपत्र, द्धितिय हुनेलाई नगद ३ हजार रुपैयाको साथमा प्रमाणपत्र र तृतिय हुनेलाई नगद २ हजार रुपैँया प्रदान गरिएको थियो ।
जनज्योति क्याम्पसका क्याम्पस प्रमुख केशव राज काफ्लेको सभाध्यक्षतामा भएको कार्यक्रममा भिमाद नगरपालिकाको प्रमुख दधिराज सुबेदीको प्रमुख आतिथ्यताको कार्यक्रम जनज्योति क्याम्पस अतिरिक्त क्रियाकलाप समितिका संयोजक शिव दत्त चापागाईंले सञ्चालन गरेका थिए ।
