भिमाद सञ्चार
तनहुँ २०८२ चैत्र ६
भिमाद । Global Money Week 2026को अवसरमा NIC Asia Bank भिमाद शाखाद्वारा तनहुँको भिमादस्थित Tanahun Technical College (CTEVT) मा वित्तीय साक्षरता कार्यक्रम सम्पन्न गरिएको छ।
कार्यक्रमको उद्देश्य विद्यार्थीहरूलाई वित्तीय ज्ञान, जिम्मेवार रूपमा पैसा व्यवस्थापन गर्ने तरिका तथा आधुनिक बैंकिङ सेवाबारे जानकारी गराउनु रहेको थियो। कलेजका करिब ५० जना विद्यार्थीहरूले कार्यक्रममा उत्साहपूर्वक सहभागिता जनाएका थिए।
कार्यक्रममा NIC Asia Bank का भिमाद शाखा प्रबन्धक सुरज रानाले बचत गर्ने बानी, बैंकिङ सेवाहरू, डिजिटल बैंकिङ तथा वित्तीय योजना बनाउने महत्वबारे प्रस्तुति दिएका थिए। साथै विद्यार्थीहरूलाई बचत खाता, ऋण सेवा, मोबाइल बैंकिङ तथा विद्युतीय भुक्तानी प्रणाली जस्ता बैंकिङ सेवाबारे जानकारी दिइएको थियो।
प्रतिनिधिले युवावस्थादेखि नै वित्तीय ज्ञान हासिल गर्नु आवश्यक रहेको बताउँदै सही वित्तीय निर्णय लिन वित्तीय साक्षरताले महत्वपूर्ण भूमिका खेल्ने उल्लेख गरे।
कार्यक्रममा सहभागी विद्यार्थी तथा कलेजका शिक्षकहरूले यस्तो कार्यक्रमले युवामा वित्तीय सचेतना बढाउन महत्वपूर्ण योगदान पुर्याउने विश्वास व्यक्त गरेका थिए। कार्यक्रम अन्त्यमा प्रश्न–उत्तर सत्रसमेत सञ्चालन गरिएको थियो, जहाँ विद्यार्थीहरूले बैंकिङ सेवा तथा वित्तीय व्यवस्थापनसम्बन्धी जिज्ञासाहरू राखेका थिए।
यस कार्यक्रमले युवाहरूमा वित्तीय चेतना अभिवृद्धि गरी भविष्यमा जिम्मेवार आर्थिक व्यवहार विकास गर्न सहयोग पुग्ने विश्वास गरिएको छ।
